Riviera Italiane,5 Terre & Portofino

Takimi në aeroportin e Tiranë me shoqëruesin, 3 orë përpara fluturimit.
Fluturimi direkt Tiranë-Genoa. Mbërritje në aeroportin e Genoas sipas orareve të fluturimit dhe pasi kemi përfunduar procedurat aeroportuale do të nisemi drejt Rivierës ku do të bëjmë një ndalese fillimisht në Santa Margherita Ligure.
Pushim për kafe, foto dhe shëtitje. Vazhdimi i udhëtimit për në Portofino, që është perla e rivierës italiane, e famshme për portin e saj piktoresk, jahtet luksoze dhe atmosferën magjike të shëtitores buzë detit. Vizitë panoramike në sheshin kryesor, Piazza Martiri dell’Olivetta, si dhe një shëtitje e shkurtër drejt Castello Brown për një pamje mbresëlënëse mbi gjirin.Pas këtyre vizitave do të nisemi drejt La Spezia.

Mberritja dhe sistemimi në hotel. Mbrëmje e lirë.

Mëngjesi në hotel. Pas mëngjesit do të udhëtojmë me tren lokal për të zbuluar fshatrat e famshëm të Cinque Terre.
Ndalojmë dhe shëtisim në Riomaggiore, Manarola, Vernazza dhe Monterosso, secili me arkitekturë karakteristike, pamje mbresëlënëse dhe atmosferë unike mesdhetare. Opsion për drekë panoramike dhe kohë të lirë.
Pasdite vonë, kthehemi në La Spezia ose në zonën përreth për akomodim dhe fjetje.

Stacioni ynë i parë është Riomaggiore, një fshat i ndërtuar në tarraca mbi shkëmbin që bie drejt detit. Shëtisim në qytet, ndalemi për foto rrugicat e tij të ngushta, fasadat me ngjyra dhe portin e vogël

Nga Riomaggiore, udhëtojmë për vetëm disa minuta me tren drejt Manarola. Ky është fshati me pamjen më panoramike të Rivierës Italiane nga ku mund të shohim gjithë fshatin mbi shkëmb. Do të kemi kohë të lirë për foto dhe njëpushim të shkurtër.

Pas Manarola-s, udhëtojmë me tren drejt Vernazza. Arrijmë në portin e saj të vogël, shëtisim në rrugicat me dyqane artizanale dhe mund të ngjitemi në kullën mbrojtëse për një pamje mbresëlënëse të qytetit dhe detit. Do të kemi kohë për drekë të lirë në një nga restorantet tipike buzë detit, me mundësi për të provuar specialitetet e zonës si trofie al pesto, farinata apo një pjatë të freskët me prodhime deti.

Pasdite, vazhdojmë me tren drejt Monterosso al Mare, fshati më i madh i Cinque Terre dhe i vetmi me plazh të gjerë me rërë. Do të kemi kohë të lirë për shëtitje përgjatë lungomares, për një kafe, ose për të shijuar një pushim të shkurtër buzë detit.Pas përfundimit të turit me tren, do të kthehemi në hotel. Mbrëmja e lirë.

Pas mëngjesit në hotel, do të vazhdojmë udhëtimin drejt Genoa-s dhe gjatë rrugës do të bëjmë një ndalesë në Savona, ku do të vizitojmë Kullën e Leonit dhe shëtitoren e saj të bukur buzë detit.

Pas kësaj ndalese, vazhdojmë rrugën drejt Genoa-s, ku do të mbërrijmë në orët e mesditës. Fillojmë eksplorimin me një tur panoramik të qytetit: Via Garibaldi, me pallatet aristokrate të Genoa-s, Piazza De Ferrari, qendra elegante e qytetit, dhe Katedralja e San Lorenzos, një ndër objektet më simbolike të tij.
Do të vizitojmë gjithashtu Portin e Vjetër, ku ndodhen Akuariumi i famshëm i Genoa-s, Galata Museo del Mare.
Kohë e lire për pushim dhe për të bërë shëtitje në qendrën historike dyqanet artizanale, shijim të kuzhinës lokale
Në mbrëmje, sistemimi në hotel në Genoa dhe fjetje.

Pas mëngjesit në hotel, përgatitemi për kthimin.
Transferta drejt aeroportit rreth ores 09:30. Fluturimi Genoa–Tiranë në orën 13:10.